SBS Samoan - SBS Samoan

Se vaega o le malelega a le Ao o le malo Samoa i le sauniga o le sisiga fu'a e faamanatu ai le 61 tausaga o le malo tuto'atasi o Samoa.

Ua foa'i e le malo Samoa le ta'i ST$100,000 i faalapotopotoga tu-ma'oti non-government organizations (NGOs) e fesoasoani ia latou polokalame mo le tautuaina o le atunu'u ma ona tagata.

Ua osia se feagaiga i le va o le alaalafaga o Poutasi ma Hawkes Bay i le ofoina mai o galuega faavaitaimi i Aotearoa mo tagata galulue faamaoni ma amio pulea mai Falealili.

O le foa'i e $70,000 a le mafutaga a tina o le Ekalesia Faapotopotoga Kerisiano Samoa na ofoina mo le matagaluega o le soifua maloloina ae maise i 'au'aunaga o togafitiga faamama toto i Upolu ma Savai'i. O le foa'i na faailoa mai ae o tauaofia le fono tele a le EFKS i lona laumua i Malua i le vaiaso nei.

Ua taofia e leoleo ni tagata i le umia o nakoti, le pauta o le 'aisa ma laula'au marijuana, atoa ai ni fana i se fanua i ga'uta o Toamua.

Na faaalia e le palemia o Samoa, Fiame Naomi Mata'afa, sa tatau i leoleo ona saisaia ma loka le va'a ma lana 'auva'a ina ua ulufale i ogasami puipuia o Samoa tuto'atasi. O le va'a lenei na folau mai Amerika Samoa ma sana uta e faapea o ni 'oloa mo se faalavelave, o se maliu i Savai'i.

O se tasi lenei o gasegase o loo to'atele tagata e maliliu ai i Ausetalia. Ae o loo iai le faamoemoe, o le vave maua i sa'iliga o le a'afia o se tagata i le kanesa o le mama ma vave faia iai togafitiga, o le maualuga fo'i lea o le avanoa o le manuia ai.

E le'i maua tonu se aofa'i o le sa'iliga tupe a le Lakapi Samoa i le leitio, televise ma le 'upega tafa'ilagi, atoa ai ma fesoasoani mai pisinisi i le atunu'u.

Ua aumaia se faai'uga a le Faamasinoga Maualuga (High Court) o Ausetalia ua ave'esea ai le pule mai sui o le matagaluega o Home Affairs e faia ai faai'uga i talosaga mo Visa nofomau. I lalo o le faai'uga, na o le minisita o femalaga'iga e iai le pule ma le aia faaletulafono e faia ai ia faai'uga.

O Benjamin Ferencz na fanau i Transylvania ae na sosola mai ma ona matua i Amerika ona o le sauaina o tagata Iutaia i lea atunu'u. O lana galuega i le suesueina ma tuuina i le faamasinoga i Nuremberg o fitafita Siamani na fasiotia le miliona o tagata Iutaia ma isi i le taua lona lua o le lalolagi, o le a manatuaina pea i le tala faasolopito.

O le malaga asiasi a le minisita o mata'upu i le Pasefika, Senator Pat Conroy, na aofia ai Samoa ma Vanuatu. Na ia ofoina ai se fesoasoani i tapenaga a le Manu Samoa mo le Ipu o le Lalolagi.

O le Aso o Me e faia ai le sauniga e faau'u aloa'ia ai ma faatautoina le tupu o Peretania, Salesa le 3.

Toe aveese e le faamasinoga na taofia ai le agai ese o Lealailepule mai Samoa.

Femalagaa'i tagata Samoa ma Isaraelu i le va o atunuu e lua e aunoa ma le manaomia oni visa.

O se vaega lenei o le podcast a le Polokalame i le Gagana Samoa a le SBS i alo o Samoa o loo ta'a'alo nei i le NRL, atoa ai ma i latou na muamua asa le ala ua lauiloa ai nisi o Tama Samoa i le lakapi liki.

Mai se olaga solitulafono i se olaga toe fuata'ina, ua selesele ai le alii o Kinahoi i le tele o faamanuiaga mai ana pisinisi. O se faata'ita'iga lelei mo isi alo o le Pasefika i New South Wales.

Ua silasila le malo setete i NSW i se 'cashless card' e le toe fa'aaogaina i tinoitupe i masini poka i le setete. Na saunoa le palemia setete, Chris Minns, o se auala e fesoasoani ai i tagata o loo saisaitia ma faapologaina i ta'aloga peletupe (gambling), ma taofia ai le fa'aaogaina e faalapopotoga solitulafono o masini poka e faamama ai tupe 'ele'elea.

E $15 Bil le aofa'i o se faaputuga tupe ua faaagaga e le malo tele mo le toe tuleia o le gaosiga o 'oloa i totonu o Ausetalia. O loo faitioina e le ituagai i le finauga e tatau ona muamua 'ave se faamama'avega i pisinisi i le taugata o le tau o le 'eletise.

Ua manumalo le Labor i faigapalota mo le palemene setete o New South Wales, ma ua uma ai le 12 tausaga o tapua'i i le itu e agaia le malo. I le malolo ai o le soofaatasiga, na aumai ai ma le faamavaega a le ta'ita'i o le Liberal Party, Dominic Perrottet lea na tau'aveina le tofi palemia setete i le paea'iga talu ai nei.

Ua faia se faatonuga a le tino faatina o ta'aloga afeleti i le lalolagi, le World Athletics Council, ua le toe mafai ai e tama'ita'i transgender ona tauva faatasi ma tama'ita'i i taaloga afeleti faavaomalo.