SBS Samoan - SBS Samoan

Ua toe molimauina i Samoa le faia e le fono a ali'i ma faipule o se nu'u o se faatonuga e faasalaina ai se tagata i faiga faanu'upo. Se talanoaga a le sui o le SBS i Apia ma le faatonu o mata'upu i faamasinoga i le Tulafono o Nu'u 1990 ma le malosi o le pule faaletulafono a ali'i ma faipule o se nu'u e faia ai ni faasalaga saua ma faatasina ai se tagatanu'u Samoa.

Ua iloa i ni su'esu'ega a'afiaga i le fanau mai le tele o le taimi e alu i feso'ota'iga social media - i luga o telefoni, iPad, laptops ma isi auala. E le gata i a'afiaga i le tino ona o le le toe lava o se faamalosi tino, ae faapena i amioga.

O le a saisaia ma loka i le falepuipui e le toe tatalaina le teine tausi ma'i Peretania, Lucy Letby, lea na faamaonia ona moliaga i le fasioti tagata. O Letby na galue i se falema'i i Chester i Egelani, na ia fasiotia ai ni pepe se to'a 7 - 5 tama ae to'a 2 teine - i auala e aofia ai le tui o pepe i le vaila'au le insulin lea e fa'aoga i togafitiga o le suka.

Ua aumaia se fautuaga a le Komisi suesue i le tulafono o faigapalota i Samoa i se alafua ma faata'ita'iga mai isi palemene o le Pasefika, e fua iai le aofa'i o sui o le palemene ma le aofa'i o itumalo palota i le palemene o Samoa i le lumana'i.

Se talanoaga ma le minisita o le matagaluega o tina ma tama'ita'i, atina'e o afio'aga ma aga feso'ota'i, le Afioga Leota Laki Lamositele Sio, i le 12 masina muamua o le poloketi a le malo Samoa, lea ua ofoina ai le ta'i miliona tala mo itumalo palota uma i Samoa.

Ua aumaia i fautuaga a le Komisi na iloiloina le tulafono faigapalota ma mata'upu na tula'i mai i faigapalota na te'a nei, le tatau ona faatulafonoina se Sa i se faigamalo tausi (caretaker government) ona tapenaina ma faatulaga se tala i le tupe o le malo Samoa.

O se faamanuiaga faaopoopo mo tagata Samoa o loo galulue faavaitaimi i Ausetalia le faaputuga tupe o le supa (superannuation) o loo faamalosia ona tipi mai totogi ma fai sao iai kamupani o galuega.

Ua le lagolagoina e se komisi na su'esu'eina le mata'upu i le aia a tagata Samoa i atunu'u i fafo e palota ai i faigapalota mo le palemene o le malo tuto'atasi o Samoa. Ua aumaia la latou fautuaga e leai se suiga o le tulafono o faigapalota mai le tulaga o iai nei. A fia palota se tagata Samoa o loo aumau i fafo, e tatau ona malaga atu i le atunu'u, resitara i le lola a lona itumalo ma lafo ai sana palota.

Ua faaulu se apili a nisi e iai so'otaga i le suafa Malietoa i le faai'uga a le Faamasinoga o Fanua ma Suafa lea na faae'e ai papa o le suafa ia Faamausili Moli i le 2018.

O le alii o Henry na le toe mafai ona savali ma ua 'ova i le 10 tausaga o ia fa'aaogaina se nofoa vilivili e fealua'i ai. E ui i lona mana'oga faapitoa, ae na mafai ona ia faavaeina se pisinisi e auala i se fesoasoani mai le malo Ausetalia i le la'eina o 'ie ma isi galuega taulima. Ua mafai ai ona faatu sona fale'oloa i lona nu'u i Savai'i ma fesoasoani ai i le tausiga o lona aiga. (Ripoti na faamaopoopoina ma lipotia e Galumalemana Autagavaia mai Apia).

Ua tele tausaga o le fa'aaogaina le fanua o le malo lea na lisi e le kamupani a Tatiana e faagaoioi ai le pisinisi o le fale kalapu le RSA.

Malosi le vevela i le masina o Iulai

Feiloai taitai o State Owned Enterprises (SOE)

Tagata faigaluega casuals ma avanoa i suiga i galuega

Malaga Albanese i Niu Sila mo le uluai taimi o le palemia o Ausetalia

Malaga Fiame Naomi i le fonotaga a le FAO

Fesoasoani a le BAT mo le atunuu

Aga'i uma faipule e toatolu i le FAST

Iuga o le suesuega faatatau i le galogalo o mea poo le valevalematua (dementia)

Toatele tagata i lalo o le 60 tausaga le matutua, ua faamama toto i Samoa