Daily interviews
RFI
បទសម្ភាសជាមួយអ្នកនយោបាយ តំណាងសង្គមស៊ីវិល ឬអ្នកឯកទេសផ្សេងៗ ដើម្បីនិយាយពីព្រឹត្តិការណ៍សំខាន់ៗ ដែលកើតមានឡើងនៅក្នុងប្រទេសកម្ពុជា។
Location:
France
Genres:
Arts & Culture Podcasts
Networks:
RFI
Description:
បទសម្ភាសជាមួយអ្នកនយោបាយ តំណាងសង្គមស៊ីវិល ឬអ្នកឯកទេសផ្សេងៗ ដើម្បីនិយាយពីព្រឹត្តិការណ៍សំខាន់ៗ ដែលកើតមានឡើងនៅក្នុងប្រទេសកម្ពុជា។
Language:
Khmer
Episodes
លោក វីធិត ម៉ាន់តាផន៖ លំហពលរដ្ឋ និងនយោបាយកម្ពុជានៅមិនទាន់មានការផ្លាស់ប្តូរពិតប្រាកដ
7/26/2024
អ្នករាយការណ៍ពិសេសរបស់អង្គការសហប្រជាជាតិទទួលបន្ទុកស្ថានភាពសិទ្ធិមនុស្សនៅកម្ពុជា លោក វីធិត ម៉ាន់តាផន បានបញ្ចប់ទស្សនកិច្ចក្នុងប្រទេសកម្ពុជានៅថ្ងៃសុក្រទី ២៦ កក្កដានេះ។ គឺជាទស្សនកិច្ចដើម្បីស្វែងយល់ពីស្ថានភាពសិទ្ធិមនុស្សនៅកម្ពុជា។ លោកបានធ្វើសន្និសីទសារព័ត៌មាន ដោយសង្ខេបពីបញ្ហាសិទ្ធិមនុស្សកម្ពុជា ថាគ្មានភាពល្អប្រសើរ តែអ្នកនាំពាក្យគណៈកម្មាធិការសិទ្ធិមនុស្សកម្ពុជា មានការសោកស្តាយចំពោះការលើកឡើងនេះ។ ក្នុងបទសម្ភាសជាមួយវិទ្យុបារាំងអន្តរជាតិនៅថ្ងៃសុក្រ ទី២៦ កក្កដានេះ លោក វីធិត ម៉ាន់តាផន បានអះអាងថា រដ្ឋាភិបាលថ្មីនៅទាន់ស្តារឡើងវិញនូវស្ថានភាពសិទ្ធិមនុស្សដែលកំពុងធ្លាក់ចុះនៅឡើយ។ តាមអ្នករាយការណ៍ពិសេសរូបនេះ លំហពលរដ្ឋ និងនយោបាយកម្ពុជានៅតែមិនល្អ ទោះរដ្ឋាភិបាលជំនាន់ថ្មីចូលកាន់តំណែងបានជាង ១ឆ្នាំ។
Duration:00:07:09
លោកលី វណ្ណៈ៖អាជ្ញាធរនឹងពិនិត្យមើលសភាពដើមឈើចាស់ៗក្នុងតំបន់អង្គរដែលអាចបាក់រលំ
7/24/2024
នៅខេត្តសៀមរាប មានហេតុការណ៍បាក់រលំដើមឈើមួយដើមនៅខ្លោងទ្វារទន្លេអ៊ុំក្នុងតំបន់អង្គរធំ។ ហេតុការណ៍នេះបានបណ្តាលឲ្យស្លាប់មនុស្សម្នាក់ និងរបួស ៣នាក់ ក្នុងនោះមានរបួសធ្ងន់ម្នាក់។ នៅក្នុងបទសម្ភាសជាមួយវិទ្យុបារាំងអន្តរជាតិ RFI នាថ្ងៃទី២៤ កក្កដានេះ លោកលី វណ្ណៈ នាយករដ្ឋបាលសាលាខេត្តសៀមរាបបានបញ្ជាក់ថា ហេតុការណ៍បាក់រលំដើមឈើគឺដោយសារមានភ្លៀងធ្លាក់ខ្លាំងលាយឡំនឹងខ្យល់កន្ត្រាក់។ តែលោកលី វណ្ណៈមិនភ្លេចអះអាងថា អាជ្ញាធរខេត្ត និងអាជ្ញាធរជាតិអប្សរានឹងពិនិត្យមើលពីសភាពដើមឈើចាស់ៗក្នុងតំបន់អង្គរដើម្បីបង្ការកុំឲ្យមានគ្រោះថ្នាក់ដូចគ្នាកើតឡើងជាថ្មី។
Duration:00:06:30
លោកទេព អស្នារិទ្ធ៖ពលរដ្ឋដែលរងការគំរាមទារប្រាក់ពីអ្នកប្រកបអាជីពព័ត៌មានគួររាយការណ៍មកក្រសួង
7/19/2024
ក្នុងថ្ងៃទី១៨កក្កដាម្សិលមិញ ក្រសួងព័ត៌មានបានចេញសេចក្តីជូនដំណឹងឱ្យពលរដ្ឋរាយការណ៍ទៅក្រសួងព័ត៌មាន ប្រសិនបើពួកគេទទួលរងការគំរាមកំហែងដោយការទារ និងគាបសង្កត់ផ្សេងៗពីអ្នកកាសែត អ្នកផលិតមាតិកាតាមបណ្តាញសង្គម និងអ្នករកស៊ីតាមអនឡាញ (MMO)។ ក្នុងបទសម្ភាសជាមួយវិទ្យុបារាំងអន្តរជាតិនៅថ្ងៃទី១៩កក្កដា ឆ្នាំ២០២៤នេះ លោក ទេព អស្នារិទ្ធ អ្នកនាំពាក្យក្រសួងព័ត៌មាន លើកឡើងថា ការដាក់ចេញចំណាត់ការនេះ គឺដើម្បីពង្រឹងគុណភាពព័ត៌មាន និងសុវត្ថិភាពព័ត៌មាននៅកម្ពុជា។ បើតាមលោក ទេព អស្នារិទ្ធ ក្រសួងព័ត៌មានបានកត់សម្គាល់ឃើញថាព័ត៌មានមិនពិត និងព័ត៌មានបំភ្លៃកំពុងកើតមានយ៉ាងអាណាធិបតេយ្យ ជាពិសេសតាមបណ្តាញសង្គម។
Duration:00:10:20
លោក ណុប វី៖ ការយាយីតាមប្រព័ន្ធច្បាប់ទៅលើអ្នកសារព័ត៌មានកំពុងកើនឡើងគួរឲ្យបារម្ភ
7/18/2024
សមាគមសម្ព័ន្ធអ្នកសារព័ត៌មានកម្ពុជា នៅថ្ងៃទី១៧កក្កដា បានចេញផ្សាយរបាយការណ៍មួយស្តីអំពីស្ថានភាពសារព័ត៌មាននៅកម្ពុជាប្រចាំត្រីមាសទី២ឆ្នាំ២០២៤។ របាយការណ៍របស់ខេមបូចា បានកត់ត្រាតួលេខនៃករណីយាយីអ្នកសារព័ត៌មានចំនួន៧ករណី ដែលបានកើតឡើងចន្លោះពីខែមេសាដល់ខែមិថុនា។ នៅក្នុងបទសម្ភាសជាមួយវិទ្យុបារាំងអន្តរជាតិនាថ្ងៃទី១៨ ខែកក្កដានេះ លោក ណុប វី ប្រធានសមាគមសម្ព័ន្ធអ្នកសារព័ត៌មានកម្ពុជា បានកត់សម្គាល់ឃើញពីករណីយាយីតាមប្រព័ន្ធច្បាប់ទៅលើអ្នកសារព័ត៌មានកំពុងកើនឡើងគួរឲ្យព្រួយបារម្ភ។ ពោលគឺមានរហូតដល់៦ករណីក្នុងចំណោម៧ករណីដែលខេមបូចាបានកត់ត្រា។ បើតាមលោក ណុប វី ការប្រើប្រាស់ប្រព័ន្ធច្បាប់យាយីអ្នកសារព័ត៌មាននឹងធ្វើឲ្យពួកគេមានភាពភ័យខ្លាចក្នុងការធ្វើសេចក្តីរាយការណ៍ ជាពិសេសសេចក្តីរាយការណ៍លើបញ្ហារស៊ើបនៅក្នុងសង្គម។
Duration:00:12:40
លោក ជា ធីរិទ្ធ៖ត្រឹមជាកូនអ្នកឡើងត្នោត ខ្ញុំមិនដែលស្រមៃក្លាយជាជំនួយការនាយករដ្ឋមន្ត្រី
7/17/2024
ជាសិស្សអាស្រ័យបាយវត្ត ជាអ្នកសារព័ត៌មានជិះតែកង់ ជាសាស្ត្រាចារ្យ និងបច្ចុប្បន្នជាជំនួយការនាយករដ្ឋមន្ត្រី ទាំងនេះជាការវិវត្តន៍នៃដំណើរជីវិតរបស់ លោក ជា ធីរិទ្ធ ដែលជាកូនកសិករឡើងត្នោត។ តែអ្នកនយោបាយវ័យ ៣៣ឆ្នាំរូបនេះនៅមានមហិច្ឆិតាធំមួយទៀតសម្រាប់ជីវិតចុងក្រោយរបស់ខ្លួន គឺចង់ក្លាយជាអ្នកនយោបាយដ៍មានសក្តានុពលម្នាក់ដើម្បីជួយសង្គមជាតិ។
Duration:00:13:23
លោក ឈុំ សុជាតិ៖ រដ្ឋមន្ត្រីការពារជាតិជំរុញឲ្យក្រុមការងារប្រឹងស្វែងរកឧទ្ធម្ភាគចក្រដែលបាត់ដំណឹង
7/17/2024
នៅថ្ងៃទី១៧ ខែកក្កដា ឆ្នាំ២០២៤នេះ លោកឧបនាយករដ្ឋមន្ត្រី ទៀ សីហា រដ្ឋមន្ត្រីក្រសួងការពារជាតិបានចុះទៅដល់តំបន់ដែលឧទ្ធម្ភាគចក្រយោធាមួយគ្រឿងបានបាត់ការទាក់ទងកាលពីថ្ងៃទី១២ ខែកក្កដានៅក្នុងតំបន់ជួរភ្នំក្រវាញនៃខេត្តពោធិ៍សាត់។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១៧ ខែកក្កដានេះ នាយឧត្តមសេនីយ៍ឈុំ សុជាតិ រដ្ឋលេខាធិការ និងជាអ្នកនាំពាក្យក្រសួងការពារជាតិបានថ្លែងបញ្ជាក់ថា រដ្ឋមន្ត្រីការពារជាតិលោក ទៀ សីហា បានជំរុញឲ្យក្រុមការងារប្រឹងប្រែងបន្ថែមទៀតក្នុងការរុករកឧទ្ធម្ភាគចក្រ ដែលបានបាត់ដំណឹងឲ្យបានឆាប់ បើទោះណាជាស្ថានភាពភូមិសាស្ត្រមានការលំបាកក៏ដោយ៕
Duration:00:08:15
លោក អ៊ិន គង់ជិត៖ ការបណ្តេញព្រះសង្ឃសាំង រិទ្ធីចេញពីវត្តជារឿងមិនសមហេតុផល
7/16/2024
ព្រះតេជគុណ សាំង រិទ្ធី ត្រូវបានគណៈកម្មការវត្តដំរីស ក្រុងបាត់ដំបង បណ្ដេញចេញពីវត្តនៅថ្ងៃទី១៥កក្កដាម្សិលមិញ បន្ទាប់ពីព្រះសង្ឃអង្គនេះបានចូលរួមដង្ហែក្បួនធម្មយាត្រា ក្នុងគោលដៅលើកកំពស់ពុទ្ធសាសនាសីល៥ កាន់ទុកលោកបណ្ឌិត កែម ឡី និងរំលឹកគុណវីរជន និងវីរសង្ឃខ្មែរមួយចំនួន។ ក្នុងបទសម្ភាសជាមួយវិទ្យុបារាំងអន្តរជាតិRFI នៅថ្ងៃទី១៦កក្កដានេះ លោក អ៊ិន គង់ជិត ប្រធានការិយាល័យអង្គការលីកាដូប្រចាំនៅខេត្តបន្ទាយមានជ័យចាត់ទុកការបណ្តេញព្រះសង្ឃ សាំង រិទ្ធី ចេញពីវត្តជារឿងមិនសមហេតុផល។ មិនសមហេតុផលដោយសារតែគណៈកម្មការវត្តដំរីសបានសម្រេចបណ្តេញព្រះសង្ឃ សាំង រិទ្ធីចេញពីវត្តទាំងយប់ ក្រោយព្រះសង្ឃអង្គនេះមិនព្រមធ្វើកិច្ចសន្យាបញ្ឈប់សកម្មភាពធ្វើធម្មយាត្រារបស់ព្រះអង្គ។
Duration:00:06:30
លោក លី សុធារ៉ាយុត្តិ៖ការទារសំណងជំងឺចិត្ត ១,៥លានដុល្លារពី លោក ទាវ វណ្ណុល គឺធ្ងន់ធ្ងរពេក
7/9/2024
អគ្គលេខាធិការគណបក្សភ្លើងទៀនលោក លី សុធារ៉ាយុត្តិបានចាត់ទុកថា ការប្តឹងទាមទារសំណងជំងឺចិត្តពី លោក ទាវ វណ្ណុល ១,៥ លានដុល្លារពីសំណាក់មេធាវីការពារក្តីឲ្យរដ្ឋាភិបាលកម្ពុជាគឺ «ធ្ងន់ធ្ងរពេក»។ លោក លី សុធារ៉ាយុត្តិ បានលើកឡើងដូចនេះនៅក្នុងបទសម្ភាសជាមួយវិទ្យុបារាំងអន្តរជាតិ RFI ក្នុងថ្ងៃទី ៩ កក្កដានេះ។ តាមអគ្គលេខាធិការគណបក្សភ្លើងទៀនរូបនេះ អ្វីដែលប្រធានគណបក្សភ្លើងទៀនបានប្រាប់សារព័ត៌មានជប៉ុនកន្លងមក គឺជាសេរីភាពបញ្ចេញមតិ ដោយយោងលើស្ថានភាពពិតនៅកម្ពុជា៕
Duration:00:12:18
លោក យង់ គិមអេង៖ អភិបាលខេត្តតាកែវបង្ហាញនូវគំរូដ៏ល្អដែលមិនស្វាគមន៍ផ្លាកផ្សាយស្រាបៀរ
7/5/2024
អភិបាលខេត្តតាកែវថ្មី លោក វ៉ី សំណាង បានប្រកាសនៅក្នុងកិច្ចប្រជុំលើកដំបូងរបស់គណៈបញ្ជាការឯកភាពខេត្តឲ្យស្ថាប័នពាក់ព័ន្ធដោះផ្ទាំងផ្សព្វផ្សាយពាណិជ្ជកម្មស្រាបៀរចោលទាំងអស់នៅក្នុងភូមិសាស្រ្តខេត្តតាកែវ។ អតីតអភិបាលខេត្តកំពង់ស្ពឺ ដែលទើបតែងតាំងជាអភិបាលខេត្តតាកែវសម្រាប់អាណត្តិថ្មីកាលពីថ្ងៃទី០១ ខែកក្កដានេះ ក៏ធ្លាប់ចេញបទបញ្ជាដូចគ្នានេះនៅខេត្តកំពង់ស្ពឺផងដែរ។ នៅក្នុងកិច្ចសម្ភាសជាមួយវិទ្យុបារាំងនាថ្ងៃទី០៥ ខែកក្កដា ឆ្នាំ២០២៤នេះ លោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍនិងសន្តិភាពឲ្យដឹងថាចំណាត់ការរបស់លោកអភិបាលខេត្តតាកែវគឺជារឿងមួយគួរឲ្យស្វាគមន៍ ព្រមទាំងទទូចឲ្យខេត្តផ្សេងៗទៀតអនុវត្តដូចខេត្តតាកែវផងដែរ។
Duration:00:09:25
លោកឆាយ វិសុទ្ធ៖កម្ពុជាមិនដែលព្រងើយកន្តើយនឹងការទាមទារយកវត្ថុបុរាណខ្មែរដែលបាត់បង់
7/4/2024
ក្រសួងវប្បធម៌ និងវិចិត្រសិល្បៈបានប្រកាសក្នុងថ្ងៃទី០៣ កក្កដាពីដំណើរត្រលប់មកកម្ពុជាវិញនូវវត្ថុបុរាណខ្មែរចំនួន១៤ ពីសារមន្ទីរ Metropolitan សហរដ្ឋអាមេរិក។ វត្ថុបុរាណទាំង ១៤ រួមមាន រូបចម្លាក់ទេពស្រី ឬនាងឧមា រូបចម្លាក់បដិមាព្រះលោកកេសូ និងព្រះកេសព្រះលោកេសូធ្វើពីសំរិទ្ធ។ ក្នុងកិច្ចសម្ភាសជាមួយវិទ្យុបារាំងអន្តរជាតិនាថ្ងៃទី៤ កក្កដា លោកឆាយ វិសុទ្ធ ប្រធាននាយកដ្ឋានសារមន្ទីរបានបញ្ជាក់ថា ការទទួលបានវិញនូវវត្ថុបុរាណខ្មែរពីអាមេរិកពេលនេះជាលទ្ធផលនៃការចរចាដោយផ្ទាល់ និងដោយប្រយោលរវាងកម្ពុជា និងអាមេរិក។ គិតមកទល់ពេលនេះ កម្ពុជាបានទទួលមកវិញនូវវត្ថុបុរាណរបស់ខ្លួនប្រមាណជាង ៨០០។ តាមលោកឆាយ វិសុទ្ធ កម្ពុជានឹងបន្តទាមទារយកវត្ថុបុរាណខ្មែរដែលបាត់បង់ទៅក្រៅប្រទេសដោយមិនព្រងើយកន្តើយឡើយ។
Duration:00:11:32
លោកស្រី ភឿង សកុណា៖កម្ពុជាទទួលបានអត្ថប្រយោជន៍ច្រើនពីសមាជិកភាពUNESCO តាំងពី១៩៥១
7/3/2024
ថ្ងៃទី០៣ ខែកក្កដា ឆ្នាំ២០២៤នេះ ជាខួប៧៣ឆ្នាំ ដែលប្រទេសកម្ពុជាចូលជាសមាជិកអង្គការ UNESCO កាលពីឆ្នាំ១៩៥១។ ក្នុងនាមជាសមាជិក UNESCO រយៈពេល ៧៣ឆ្នាំកន្លងទៅ ប្រទេសកម្ពុជាបានចុះបញ្ជីសម្បតិ្តបេតិកភណ្ឌរូបី អរូបី និងបញ្ជីស្មារតីចងចាំនៃពិភពលោកសរុបចំនួនជាង១០។ ក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី០៣ ខែកក្កដា ឆ្នាំ២០២៤នេះ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈបានលើកឡើងថា កម្ពុជាទទួលបានអត្ថប្រយោជន៍ជាច្រើនពីសមាជិកភាពអង្គការ UNESCO។ តាមលោកស្រីរដ្ឋមន្ត្រី កម្ពុជាទទួលបានការគាំទ្រនូវគម្រោងនានាក្នុងការថែរក្សា និងជួសជុលប្រាសាទ ការចែករំលែកបទពិសោធន៍ ផ្លាស់ប្តូរចំណេះដឹង ការស្រាវជ្រាវ និងគាស់កកាយឡើងវិញនូវអ្វីដែលស្ថិតក្នុងភាពគ្រោះថ្នាក់ និងបាត់បង់ជាដើម៕
Duration:00:10:32
លោក អំ សំអាត៖កាត់ទោសសកម្មជនចលនាមាតាធម្មជាតិជាការបំបាក់ស្មារតីអ្នកការពារបរិស្ថាន
7/2/2024
នៅថ្ងៃទី២ កក្កដានេះ សកម្មជនចលនាមាតាធម្មជាតិចំនួន១០នាក់ រួមទាំងលោក អាឡិច ហ្គន់សាឡេស ដេវិតសុន ស្ថាបនិកអង្គការចលនាមាតាធម្មជាតិត្រូវបានសាលាដំបូងរាជធានីភ្នំពេញប្រកាសសាលក្រមកាត់ទោសចន្លោះពី៦ឆ្នាំទៅ៨ឆ្នាំ ក្នុងនោះ មាន៤នាក់ត្រូវបានចាប់ខ្លួនភ្លាមៗនៅក្រោយប្រកាសសាលក្រម។ ក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី២ កក្កដានេះ លោក អំ សំអាត នាយកប្រតិបត្តិអង្គការលីកាដូ ចាត់ទុក ការកាត់ទោសសកម្មជនចលនាមាតាធម្មជាតិពេលនេះថា ជាការបំបាក់ស្មារតីអ្នកចេញមុខការពារបរិស្ថាន៕
Duration:00:07:58
លោកឃុន ថារ៉ូ៖ភាគីសហជីពគួរស្រាវជ្រាវរករបាយការណ៍ថ្មី បើរបាយការណ៍សង់ត្រាល់មិនមានការពិត
6/27/2024
ការទាមទារឲ្យមានការបកស្រាយពន្យល់លម្អិតទៅលើខ្លឹមសារនៅក្នុងរបាយការណ៍របស់អង្គការសង់ត្រាល់កំពុងបន្តកើតមានពីសំណាក់សហជីពមួយចំនួនដែលមាននិន្នាការរដ្ឋាភិបាល។ តែសង់ត្រាល់បានចេញសេចក្តីថ្លែងការណ៍មួយក្នុងថ្ងៃពុធ ទី២៦ មិថុនាដោយបំភ្លឺថា របាយការណ៍របស់ខ្លួននៅមានកម្រិត និងមិនតំណាងឲ្យភាពជាក់ស្តែងនៃកម្មករ និងសហជីពទាំងអស់នៅកម្ពុជានៅឡើយទេ។ ក្នុងកិច្ចសម្ភាសជាមួយវិទ្យុបារាំងអន្តរជាតិ RFI នៅថ្ងៃព្រហស្បតិ៍ ទី២៧ មិថុនានេះ លោក ឃុន ថារ៉ូ ប្រធានគ្រប់គ្រងកម្មវិធីការងារអង្គការសង់ត្រាល់លើកឡើងថា ភាគីពាក់ព័ន្ធ និងសហជីពដែលមិនពេញចិត្តនឹងរបាយការណ៍សង់ត្រាល់គួរតែសិក្សាស្រាវជ្រាវរករបាយការណ៍ថ្មីដើម្បីបញ្ជាក់ថា អ្វីដែលសង់ត្រាល់រកឃើញមិនមែនជាការពិត។
Duration:00:12:55
អ្នកឧកញ៉ា ហ៊ុន ឡាក់៖សមាគមឧកញ៉ានៅតែបារម្ភ ប្រសិនបើឧកញ៉ាជាច្រើនបន្តនៅក្រៅសមាគម
6/26/2024
ក្រោយមានហេតុការណ៍អវិជ្ជមានជាបន្តបន្ទាប់ទាក់ទងនឹងបុគ្គលដែលមានគោរមងារឧកញ៉ា សមាគមឧកញ៉ាកម្ពុជាបានចាប់អារម្មណ៍យ៉ាងខ្លាំង និងមានការស្រាវជ្រាវជាបន្ទាន់ពីប្រវត្តិជាក់ស្តែងរបស់បុគ្គលពាក់ព័ន្ធជាពិសេសអតីតឧកញ៉ាស្រី ស៊ីណា ដែលបានសម្លាប់មនុស្ស២នាក់យ៉ាងឃៅរឃៅកាលពីសប្តាហ៍មុន។ អតីតឧកញ៉ា ស្រី ស៊ីណា មិនមែនជាសមាជិកសមាគមឧកញ៉ាកម្ពុជា និងក៏គ្មានអាជីវកម្មច្បាស់លាស់ដែរ។ ក្នុងកិច្ចសម្ភាសន៍ជាមួយវិទ្យុបារាំងអន្តរជាតិ RFI នៅថ្ងៃទី២៦ មិថុនានេះ អ្នកឧកញ៉ា ហ៊ុន ឡាក់ អ្នកនាំពាក្យសមាគមឧកញ៉ាកម្ពុជានៅតែមានក្តីកង្វល់ ប្រសិនបើមានឧកញ៉ាច្រើនបន្តស្ថិតនៅក្រៅការគ្រប់គ្រងរបស់សមាគម ខណៈឧកញ៉ាដែលចូលជាសមាជិកពេលនេះមានតែជាង ៣០០នាក់ក្នុងចំណោមឧកញ៉ាសរុបជាង ១ ៤០០នាក់៕
Duration:00:14:18
លោក ថេន សំវិសុទ្ធ៖ សេវាកម្មប្រៃសណីយ៍ថ្មីមានគោលដៅបង្ខិតសេវាសាធារណៈមួយនេះទៅជិតពលរដ្ឋ
6/25/2024
ប្រៃសណីយ៍កម្ពុជាកំពុងតែសហការជាមួយស្ថាប័នពាក់ព័ន្ធដើម្បីបង្កើនសេវាសាធារណៈមួយនេះឱ្យកាន់តែលឿន និងមានប្រសិទ្ធភាពខ្ពស់។ នេះជាការអះអាងរបស់លោក ថេន សំវិសុទ្ធ អគ្គនាយកប្រៃសណីយ៍កម្ពុជានៅក្នុងបទសម្ភាសជាមួយវិទ្យុបារាំងអន្តរជាតិ RFI ក្នុងថ្ងៃអង្គារ ទី២៥ មិថុនា។ តាមលោក ថេន សំវិសុទ្ធ សេវាកម្ម «កញ្ចប់បញ្ញើ» ថ្មីនេះជាការសហការជាមួយការិយាល័យច្រកចេញ-ចូលតែមួយរបស់រដ្ឋបាលរាជធានី-ខេត្ត ក្រុង ស្រុក ខណ្ឌ មានន័យថា ពលរដ្ឋអាចប្រើសេវាកម្មរបស់ប្រៃសណីយ៍កម្ពុជាដោយមិនចំណាយពេលធ្វើដំណើរទៅ-មកដើម្បីយកឯកសារដែលពួកគាត់ត្រូវការ៕
Duration:00:12:14
បណ្ឌិត ឆេង គឹមឡុង៖ កម្ពុជានឹងអាចទាក់ទាញការវិនិយោគផ្ទាល់ពីសិង្ហបុរីកាន់តែច្រើន
6/19/2024
តាមរយៈដំណើរទស្សនកិច្ចរបស់គណៈប្រតិភូជាន់ខ្ពស់កម្ពុជា ដែលដឹកនាំដោយលោកនាយករដ្ឋមន្ត្រី ហ៊ុន ម៉ាណែត រយៈពេល២ថ្ងៃនៅសិង្ហបុរី គឺថ្ងៃទី១៨ និង១៩ ខែមិថុនានេះ សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរីបានចុះអនុស្សរណៈយោគយល់គ្នា(MOU)មួយស្តីពីការពង្រឹងទំនាក់ទំនងពាណិជ្ជកម្មនៃប្រទេសទាំងពីរ។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នៅថ្ងៃទី១៩ ខែមិថុនា ឆ្នាំ២០២៤នេះ លោកបណ្ឌិត ឆេង គឹមឡុង នាយកវិទ្យាស្ថានចក្ខុវិស័យអាស៊ី(AVI) និងជាអ្នកជំនាញសេដ្ឋកិច្ចមួយរូបបានមើលឃើញថាការចុះMOU រវាងសភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរីនឹងជួយឲ្យកម្ពុជាអាចទាក់ទាញការវិនិយោគផ្ទាល់ពីសិង្ហបុរីឲ្យកាន់តែច្រើនជាងមុន។
Duration:00:10:17
លោក មាស វីរិទ្ធ៖គ្រឿងញៀន៤តោនត្រូវបំផ្លាញថ្ងៃនេះនិងច្រើនតោនទៀតនឹងបំផ្លាញនៅ២០២៥
6/14/2024
នៅថ្ងៃទី១៤ ខែមិថុនា ឆ្នាំ២០២៤នេះ អាជ្ញាធរជាតិប្រយុទ្ធប្រឆាំងគ្រឿងញៀនបានដុតបំផ្លាញគ្រឿងញៀនសុទ្ធជាង៤តោន នៅក្នុងខណ្ឌព្រែកព្នៅ រាជធានីភ្នំពេញ។ ចំណែកសារធាតុគីមីផ្សំសម្រាប់ផលិតគ្រឿងញៀនជាង ៣តោនផ្សេងទៀត ដែលជាអាស៊ីតមិនទាន់អាចបំផ្លាញដោយវិធីដុតបានទេ ព្រោះត្រូវរង់ចាំការបន្សាបដោយបច្ចេកទេសផ្សេងពីនេះ។ ក្នុងកិច្ចសម្ភាសជាមួយវិទ្យុបារាំង RFI នៅថ្ងៃទី១៤ ខែមិថុនានេះ នាយឧត្តមសេនីយ៍ មាស វីរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀនបានថ្លែងថា គ្រឿងញៀនដែលត្រូវដុតបំផ្លាញនៅថ្ងៃនេះជាលទ្ធផលនៃការបង្ក្រាបរបស់សមត្ថកិច្ចនៅចុងឆ្នាំ២០២២ ឆ្នាំ២០២៣ និងដើមឆ្នាំ២០២៤។ តាមលោក មាស វីរិទ្ធ នៅមានគ្រឿងញៀនជាច្រើនតោនទៀតដែលមិនទាន់ចប់នីតិវិធីតុលាការនឹងត្រូវដុតបំផ្លាញនៅឆ្នាំ ២០២៥ខាងមុខ៕
Duration:00:08:35
លោក វ៉ាត់ ចំរើន៖ សហព័ន្ធកីឡាគុនខ្មែរស្វាគមន៍ ដាវ លីឌុច ឡើងសង្វៀនគុនខ្មែរជាថ្មី
6/12/2024
បន្ទាប់ពីមានការប៉ះទង្គិចសំដីគ្នារវាងសហព័ន្ធកីឡាប្រដាល់គុនខ្មែរ និងជនជាតិកាណាដាលោក ដាវ លីឌុច ដែលជាកីឡាករដ៏ល្បីល្បាញខាងក្បាច់គុនឡាត់វេរបស់ភូមាកាលពីថ្ងៃអាទិត្យ ទី៩ មិថុនាមក មេដឹកនាំកីឡាកម្ពុជាបានកោះហៅភាគីទាំងពីរឲ្យធ្វើការសម្របសម្រួលគ្នាកាលពីថ្ងៃអង្គារ ទី១១ មិថុនា។ គឺជាការសម្របសម្រួលតាមបញ្ជារបស់លោកនាយករដ្ឋមន្ត្រី ហ៊ុន ម៉ាណែត។ ក្នុងកិច្ចសម្ភាសជាមួយវិទ្យុបារាំងអន្តរជាតិ RFI ក្នុងថ្ងៃទី១២ មិថុនានេះ លោក វ៉ាត់ ចំរើន រដ្ឋលេខាធិការក្រសួងអប់រំ និងជាអគ្គលេខាធិការគណៈកម្មាធិការជាតិអូឡាំពិកកម្ពុជាបានឲ្យដឹងថា ភាគីទាំងពីរបានវិលមកការស្រុះស្រួលគ្នាវិញ និងបានឯកភាពគ្នាចូលរួមអភិវឌ្ឍន៍គុនខ្មែរទាំងអស់គ្នា។
Duration:00:11:59
លោក រ៉ហ្វេក រ៉ាដា៖ខ្ញុំមិនដែលហ៊ានស្រមៃបានស្គាល់ច្រើនប្រទេសដូចពេលនេះទេ
6/12/2024
ជាកូនកសិករនៅទីជនបទក្នុងខេត្តត្បូងឃ្មុំ យុវជន រ៉ហ្វេក រ៉ាដា ហាក់មានសំណាងជាងក្មេងៗដែលជាកូនខ្មែរឥស្លាមផ្សេងទៀតនៅក្នុងសហគមន៍។ មានអាយុ២៣ឆ្នាំ រ៉ាដា បានស្គាល់ប្រទេសជាង១០នៅលើពិភពលោកដោយមិនចំណាយលុយផ្ទាល់ខ្លួន។ នេះដោយសារតែ អតីតសិស្សនិទ្ទេសA តែម្នាក់គត់នៃកូនសហគមន៍ខ្មែរឥស្លាមរូបនេះ ទទួលបានអាហារូបករណ៍សិក្សាតាំងពីថ្នាក់ពី៧រហូតដល់ថ្នាក់អនុបណ្ឌិត។
Duration:00:07:35
មេធាវី គង់ សំអុន៖ ទោះគ្មានកុំព្យូទ័រ លោក ខៀវ សំផន នៅតែបន្តសរសេរប្រវត្តិសាស្ត្រដោយដៃ
6/11/2024
អស់រយៈពេលជាងមួយឆ្នាំមកហើយដែលលោក ខៀវ សំផន ត្រូវបានគេផ្ទេរពីកន្លែងឃុំឃាំងនៅសាលាក្តីខ្មែរក្រហមទៅកាន់ពន្ធនាគារខេត្តកណ្តាល។ មានអាយុ ៩៣ឆ្នាំ លោក ខៀវ សំផន ជាមេដឹកនាំកំពូលខ្មែរក្រហមតែម្នាក់គត់ដែលនៅមានជីវិត។ អតីតប្រមុខរដ្ឋនៃរបបកម្ពុជាប្រជាធិបតេយ្យរូបនេះ ត្រូវបានតុលាការកំពូលនៃសាលាក្តីខ្មែរក្រហមផ្តន្ទាទោសឲ្យជាប់ពន្ធនាគារអស់មួយជីវិតពីបទឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មប្រល័យពូជសាសន៍ និងការរំលោភបំពានយ៉ាងធ្ងន់ធ្ងរលើអនុសញ្ញាក្រុងហ្សឺណែវឆ្នាំ១៩៤៩។ នៅក្នុងកិច្ចសម្ភាសខ្លីជាមួយវិទ្យុបារាំង RFI នាថ្ងៃទី ១១ ខែមិថុនា ឆ្នាំ២០២៤នេះ លោក គង់ សំអុន មេធាវីការពារក្តីលោក ខៀវ សំផន បានបញ្ជាក់ថា លោក ខៀវ សំផន មានសុខភាពធម្មតាក្នុងនាមជាមនុស្សចាស់ជរា អាចធ្វើចលនាដោយជិះលើរទេះ និងថា លោក ខៀវ សំផន បានបន្តសរសេរដោយដៃនូវរឿងរ៉ាវប្រវត្តិសាស្ត្រផ្សេងៗ ព្រមទាំងអាចស្តាប់ និងវិភាគពីព្រឹត្តិការណ៍ផ្សេងៗបាន៕
Duration:00:05:23